សំណួរញឹកញាប់ពីអ្នកផ្តល់វគ្គសិក្សា

ទេ។ ប្រសិនបើសមាជិកណាម្នាក់ដែលជាតំណាងស្ថាប័នរបស់អ្នក អាចបញ្ចប់វគ្គសិក្សាមគ្គុទេសន៍នេះ គាត់នឹងអាចស្នើចុះឈ្មោះស្ថាប័នរបស់អ្នកបានហើយ ។ នៅពេលចុះឈ្មោះស្ថាប័ន គាត់អាចស្នើបញ្ចូលសមាជិកដទៃទៀតពីស្ថាប័នរបស់គាត់។ សមាជិកម្នាក់ៗអាចស្នើបង្កើតវគ្គសិក្សាបានហើយ។
នៅពេលបង្កើត និងដំណើរការវគ្គសិក្សា ស្ថាប័ននីមួយៗគួរតែស្វែងរកការគាំទ្រពីអ្នកដែលបានបញ្ចប់វគ្គសិក្សាមគ្គុទ្ទេសន៍ ។

ស្ថាប័នមួយចំនួនមានការយល់ច្រឡំអំពីទំនាក់ទំនងរវាងថ្នាល HRCPD របស់ការិយាល័យគ្រប់គ្រងអវប និង ថ្នាលអភិវឌ្ឍសមត្ថភាព។ ថ្នាល HRCPD ជាថ្នាលគ្រប់គ្រងសកម្មភាពអវប (ការបណ្តុះបណ្តាលដែលមានក្រេឌីត) ដូចជាការបង្កើតកាលវិភាគ ការចុះឈ្មោះក្នុងសកម្មភាពអវប ជាដើម តែវាមិនមែនជាថ្នាលសម្រាប់ដំណើរការវគ្គសិក្សាឡើយ។ អ្នកផ្តល់សេវាអវប អាចជ្រើសរើសមធ្យោបាយណាមួយដើម្បីដំណើរការវគ្គសិក្សាក្រេឌីតរបស់ខ្លួន ទៅតាមចិត្តនិងតម្រូវការរៀងខ្លួន ហើយក្នុងចំណោមមធ្យោបាយទាំងនោះ ពួកគេក៏អាចជ្រើសរើសថ្នាលអភិវឌ្ឍសមត្ថភាពផងដែរ ជាពិសេសសម្រាប់វគ្គសិក្សាបែបចម្រុះ ឬអនឡាញ។ ថ្នាលអភិវឌ្ឍសមត្ថភាពមានមុខងារដែលអាចឲ្យសិក្ខាកាមភ្ជាប់គណនី HRCPD របស់គាត់ ហើយអាចស្នើក្រេឌីតពីថ្នាលអភិវឌ្ឍសមត្ថភាពផ្ទាល់តែម្តង បន្ទាប់ពីបំពេញលក្ខខ័ណ្ឌគ្រប់គ្រាន់ហើយ។

ដើម្បីប្រើប្រាស់ថ្នាលអភិវឌ្ឍសមត្ថភាពក្នុងការដំណើរវគ្គសិក្សាមានក្រេឌីតរបស់លោកអ្នក លោកអ្នកត្រូវតែជាសមាជិកអ្នកផ្តល់វគ្គសិក្សាលើថ្នាលអភិវឌ្ឍសមត្ថភាព ហើយត្រូវស្នើដំណើរវគ្គសិក្សា។

ប្រសិនបើវគ្គសិក្សាមានក្រេឌីតរបស់អ្នកនឹងដំណើរការលើថ្នាលអភិវឌ្ឍសមត្ថភាព សិក្ខាកាមរបស់អ្នកអាចចុះឈ្មោះផ្ទាល់លើថ្នាលអភិវឌ្ឍសមត្ថភាព (ពួកគាត់មិនចាំបាច់ចុះឈ្មោះលើកម្មវិធី HRCPD ទេ) ។ នៅពេលដែលគាត់បញ្ចប់វគ្គសិក្សាហើយ ព័ត៌មានរបស់គាត់នឹងត្រូវបញ្ជូនទៅកម្មវិធី HRCPD ពីថ្នាលអភិវឌ្ឍសមត្ថភាព។ ដូច្នេះការចុះឈ្មោះត្រូវធ្វើតែម្តងប៉ុណ្ណោះ ហើយត្រូវធ្វើលើថ្នាលអភិវឌ្ឍសមត្ថភាព។

ទេ។ នៅពេលដាក់ពាក្យស្នើបង្កើតវគ្គសិក្សា អ្នកត្រូវតែមានគម្រោងវគ្គសិក្សា (Course outline/syllabus) ហើយភ្ជាប់វានឹងសំណើរបស់អ្នក ។ នៅពេលសំណើរបស់អ្នកត្រូវបានអនុម័ត អ្នកនឹងទទួលបានវគ្គសិក្សាទទេមួយដែលអ្នកអាចចាប់ផ្តើមបញ្ចូលមាតិកា និងសកម្មភាពសិក្សានៃវគ្គសិក្សា។ អ្នកក៏អាចប្រើ MOEYS CDP Playground ដែលជាកម្មវិធីកុំព្យូទ័រ ដើម្បីបង្កើតវគ្គសិក្សានៅលើកុំព្យូទ័ររបស់អ្នក រួចនាំចូលវគ្គសិក្សានោះទៅកាន់ថ្នាលអភិវឌ្ឍសមត្ថភាព។

ចម្លើយអាស្រ័យលើតម្រូវការរបស់អ្នកនិងប្រភេទវគ្គសិក្សារបស់អ្នក។ យើងសូមលើកទឹកចិត្តឲ្យអ្នកប្រើប្រាស់ MOEYS CDP Playground ដើម្បីបង្កើតនិងតេស្ត មាតិកា និងសកម្មភាពសិក្សារបស់អ្នក រួចចម្លងវគ្គសិក្សានោះទៅកាន់ថ្នាលអភិវឌ្ឍសមត្ថភាពនៅពេលដែលសំណើដំណើរការវគ្គសិក្សារបស់អ្នកត្រូវបានអនុម័តដោយក្រុមការងារថ្នាល។ MOEYS CDP Playground គឺជាកម្មវិធីកុំព្យូទ័រដូចទៅនឹងថ្នាលអភិវឌ្ឍសមត្ថភាពផ្លូវការដែរ ដែលអ្នកអាចដំឡើង និងដំណើរការយ៉ាងងាយស្រួលលើកុំព្យូទ័ររបស់អ្នកដោយមិនចាំបាច់មានសេវាអ៊ីនធឺណែតឡើយ (លើកលែងតែករណីដែលធនធានសិក្សារបស់អ្នកស្ថិតនៅលើទំព័រវេបសាយណាមួយដូចជា YouTube ឬ Google Drive ជាដើម)។ វគ្គសិក្សាដែលបង្កើតឡើងនៅលើ MOEYS CDP Playground គឺត្រូវគ្នានឹងថ្នាលអភិវឌ្ឍសមត្ថភាព ១០០% ។ សូមចូលទៅកាន់វគ្គសិក្សា មគ្គុទ្ទេសន៍សម្រាប់អ្នកបង្កើតវគ្គសិក្សាលើថ្នាលអភិវឌ្ឍសមត្ថភាព ដើម្បីស្វែងយល់បន្ថែមពីការបង្កើតវគ្គសិក្សាដោយប្រើ MOEYS CDP Playground ។

ប្រសិនបើអ្នកប្រើប្រាស់ប្រភេទសកម្មភាពស្តង់ដាររបស់ Moodle នោះវគ្គសិក្សារបស់អ្នកគួរតែមិនមានបញ្ហាទេនៅពេលដាក់ដំណើរការលើថ្នាល MOEYS CDP ។ ប៉ុន្តែរូបរាងអាចខុសគ្នាខ្លះៗ ព្រោះនៅលើថ្នាលអភិវឌ្ឍសមត្ថភាព យើងបានបង្កើតនូវស្បែកថ្មី ដោយយោងទៅតាមស្បែកស្តង់ដារ ហើយបន្ថែមមុខងារមួយចំនួនដើម្បីឆ្លើយតបនឹងតម្រូវការផ្សេងៗរបស់អ្នកប្រើប្រាស់ ជាពិសេសធ្វើយ៉ាងណាឲ្យវាងាយស្រួលប្រើនៅលើឧបករណ៍អេក្រង់ចង្អៀត។ យើងសូមលើកទឹកចិត្តឲ្យអ្នកតេស្តវគ្គសិក្សារបស់អ្នកនៅលើ MOEYS CDP Playground ហើយធ្វើការកែសម្រួលផ្សេងៗមុននឹងបញ្ចូលទៅកាន់ថ្នាល MOEYS CDP ផ្លូវការ ។

ប្រសិនបើអ្នកប្រើកម្មវិធីបន្ថែមដទៃ សូមទាក់ទងក្រុមការងារថ្នាល ដើម្បីឲ្យយើងវាយតម្លៃកម្មវិធីបន្ថែមដែលអ្នកប្រើ ហើយសម្រេចថាយើងគួរតែ ឬអាចដំឡើងកម្មវិធីបន្ថែមនោះដែរឬទេ។

ជម្រើសមួយទេ ជាពិសេសសម្រាប់ករណីដែលវគ្គសិក្សា ឬថ្នាលរបស់អ្នកមានជាប់កិច្ចព្រមព្រៀងកម្មសិទ្ធបញ្ញាផ្សេងៗ លោកអ្នកអាចបង្ហាញវគ្គសិក្សារបស់អ្នកក្នុងថ្នាលរបស់យើងដើម្បីឲ្យគេអាចចុះឈ្មោះចូលរៀនបាន បន្ទាប់មកអ្នកអាចបង្វែរអ្នកចូលរៀនរបស់អ្នកទៅកាន់ថ្នាលរបស់អ្នក ដោយប្រើ LTI (Learning Tool Interoperability) ។ ការធ្វើបែបនេះធានាថារាល់ទិន្នន័យចុះឈ្មោះ ពិន្ទុ ការផ្តល់ក្រេឌីត ឬសញ្ញាប័ត្រនៅតែប្រព្រឹត្តទៅនៅលើថ្នាលអភិវឌ្ឍសមត្ថភាព ខណៈដែលមាតិកា និងសកម្មភាពសិក្សាផ្សេងៗត្រូវបានដំណើរការលើថ្នាលរបស់អ្នក។