ជាមជ្ឈមណ្ឌលឧត្តមភាពក្នុងការបណ្តុះបណ្តាលគ្រូបង្រៀន ភាពជាអ្នកដឹកនាំ និងការអភិវឌ្ឍវិជ្ជាជីវៈជាប្រចាំ

វិទ្យាស្ថានគរុកោសល្យបាត់ដំបង (វ.គ.ប) ជាគ្រឹះស្ថានអប់រំគ្រូបង្រៀនសតវត្សទី២១ ដែលផ្តោតលើការអប់រំគ្រូ បង្រៀនថ្នាក់បរិញ្ញាបត្រអប់រំ (១២+៤) និងបរិញ្ញាបត្រ+១ សម្រាប់កម្រិតបឋមសិក្សា និងមធ្យមសិក្សាបឋមភូមិ។ វ.គ.ប ត្រូវបានបង្កើតឡើងដើម្បីឆ្លើយតបទៅនឹងយុទ្ធសាស្ត្រកំណែទម្រង់វិស័យអប់រំនៅកម្ពុជា ពិសេសកំណែទម្រង់គ្រូបង្រៀន ដើម្បីធានាបាននូវគ្រូបង្រៀនប្រកបដោយសមត្ថភាពវិជ្ជាជីវៈពេញលេញ ក្រមសីលធម៌ការងារខ្ពស់ ចេះច្បាស់លាស់បំណិន ភាសាបរទេស បច្ចេកវិទ្យាឌីជីថល និងបំពេញបាននូវស្តង់ដាវិជ្ជាជីវៈគ្រូបង្រៀនកម្ពុជា ដើម្បីចូលរួមចំណែកលើកកម្ពស់វប្ប ធម៌គុណាធិបតេយ្យវិស័យអប់រំនៅកម្ពុជា និងសម្រេចចក្ខុវិស័យកម្ពុជាឆ្នាំ ២០៥០ ជាប្រទេសដែលមានប្រាក់ចំណូលកម្រិតខ្ពស់។

វិទ្យាស្ថានគរុកោសល្យរាជធានីភ្នំពេញ (P.T.E.C) ត្រូវបានបង្កើតឡើងតាមរយៈការរួមបញ្ចូលគ្នានៃសាលាគរុកោសល្យនិងវិក្រឹតការ និងមជ្ឈមណ្ឌលគរុកោសល្យភូមិភាគរាជធានីភ្នំពេញតាមអនុក្រឹត្យលេខ ៧៣ ចុះថ្ងៃទី២២ ខែឧសភា ឆ្នាំ២០១៧។ វិទ្យាស្ថានគរុកោសល្យរាជធានីភ្នំពេញមានចក្ខុវិស័យ បេសកកម្ម និងតម្លៃស្នូលដូចខាងក្រោម៖ ចក្ខុវិស័យ៖ ដើម្បីក្លាយជាស្ថាប័នឈានមុខគេនៃការអប់រំគ្រូបង្រៀនក្នុងសតវត្សទី២១។ បេសកកម្ម៖ ដើម្បី​សម្រេច​បាន​នូវ​ចក្ខុវិស័យ វិទ្យាស្ថាន​គរុកោសល្យ​រាជធានី​ភ្នំពេញ បាន​កំណត់នូវ​បេសកកម្មគោល​ចំនួន​បីគឺ៖ M១- អប់រំ និងអភិវឌ្ឍគរុនិស្សិតឱ្យមានសមត្ថភាពពេញលេញ។ M២- ជំរុញការស្រាវជ្រាវអប់រំ ដើម្បីកែលម្អការបង្រៀន និងការរៀន។ M៣- ផ្តល់សេវាសង្គមដើម្បីរួមចំណែកបង្កើតគុណវុឌ្ឍិគ្រូបង្រៀននៅក្នុងប្រទេកម្ពុជា។ គុណតម្លៃស្នូល៖ មហាវិទ្យាល័យអប់រំគ្រូបង្រៀនភ្នំពេញគឺអនុវត្តតួនាទី និងទំនួលខុសត្រូវរបស់ខ្លួនដោយផ្តោតលើគុណតម្លៃស្នូលទាំងប្រាំ៖ ការគោរព សុចរិតភាព ការច្នៃប្រឌិត ការប្តេជ្ញាចិត្ត និងប្រសិទ្ធភាព (RIICE) ។

អង្គការអប់រំពិភពលោក ជាអង្គការមិនមែនរដ្ឋាភិបាលជួយគាំទ្រក្រសួងអប់រ យុវជន និងកីទ្បា អនុវត្តកម្មវិធីកញ្ចប់អំណានថ្នាក់ទី១ ទី២ និងទី២ ។ល។

សាលាគរុកោសល្យ និងវិក្រឹតការខេត្តពោធិ៍សាត់ ជាគ្រឹះស្ថានបណ្តុះបណ្តាលគ្រូបឋមសិក្សា ដែលមានទីតាំងស្ថិតនៅ៖ ភូមិ សាលាគំរូ សង្កាត់ ព្រៃញី ក្រុង ពោធិ៍សាត់ ខេត្ត ពោធិ៍សាត់