មុខវិជ្ជាកម្មវិធីសិក្សា និងវិភាគកម្មវិធីសិក្សាកម្រិតបឋមសិក្សាមានគោលបំណងផ្ដល់ជូនសិក្ខាកាម នូវនិយមន័យ ប្រភេទ គោលការណ៍ បញ្ញត្តិសំខាន់ៗ ទ្រឹស្តី និងសមាសភាគនៃកម្មវិធីសិក្សា។ លើសពីនេះ ទៅទៀតមុខវិជ្ជានេះ ជួយគ្រូបង្រៀនកម្រិតបឋមសិក្សាឱ្យយល់ដឹង ស៊ីជម្រៅអំពីក្របខណ្ឌកម្មវិធីសិក្សា ចំណេះ ទូទៅ និងកម្មវិធីសិក្សាលម្អិតចំណេះទូទៅសម្រាប់មុខវិជ្ជាភាសាខ្មែរ គណិតវិទ្យា សិក្សាសង្គម វិទ្យាសាស្ត្រ និងភាសាបរទេសនៅកម្រិតបឋមសិក្សា ដើម្បីពង្រឹងគុណភាពនៃការបង្រៀននិងរៀន។ វគ្គសិក្សានេះនឹង វិភាគលើកម្មវិធីសិក្សាលម្អិតចំណេះទូទៅដោយផ្ដោតលើវិសមាសភាគទាំងបីនៃគោលបំណង តាមកម្រិតថ្នាក់ និងមុខវិជ្ជានីមួយៗ ទំនាក់ទំនងនៃខ្លឹមសារដែលកុមារត្រូវសិក្សាពីកម្រិតថ្នាក់មួយទៅកម្រិត ថ្នាក់មួយទៀត និងការជ្រើសរើសវិធីសាស្ត្របង្រៀននិងសម្ភារឧបទេសសម្រាប់គាំទ្រដល់ការបង្រៀននិងរៀន នៅបឋមសិក្សា កម្រិតទាប (ថ្នាក់ទី១ដល់ទី៣) និងបឋមសិក្សាកម្រិតខ្ពស់ (ថ្នាក់ទី៤ដល់ទី៦) ប្រកបដោយ បរិយាបន្ន។ ក្រោយពេលបញ្ចប់វគ្គសិក្សានេះសិក្ខាកាមនឹងបកស្រាយបានអំពីខ្លឹមសាររួមក្នុងកម្មវិធីសិក្សាដែលកុមារត្រូវសិក្សានៅបឋមសិក្សា ជ្រើសរើសសម្ភារៈឧបទេស ប្រើប្រាស់វិធីសាស្ត្របង្រៀន និងការវាយតម្លៃដែល មានភាពបត់បែន សមស្របកម្រិត និងសមត្ថភាពសិស្សតាមស្ថានភាពជាក់ស្ដែង។
- គ្រូឧទ្ទេស: seng sihak
- គ្រូឧទ្ទេស: ទេព ភីរុណ
- គ្រូឧទ្ទេស: សាំង មាសស្ងួន
- គ្រូឧទ្ទេស: ហុង សុវណ្ណ
- គ្រូឧទ្ទេស: ហ៊ូ សៅម៉ូលីន
ថ្នាលដទៃទៀតរបស់ក្រសួង