ប្រសិទ្ធភាព​នៃ​ការ​គ្រប់គ្រង​ថ្នាក់​រៀន កម្រិត​១

ប្រសិទ្ធភាព​នៃ​ការ​គ្រប់គ្រង​ថ្នាក់​រៀន កម្រិត​១

មុខវិជ្ជានេះនឹងផ្តល់ជូនសិក្ខាកាមនូវទិដ្ឋភាពទូទៅពីទ្រឹស្តី និងការអនុវត្តនៃការគ្រប់គ្រងថ្នាក់រៀននៅកម្រិតបឋមសិក្សាដោយផ្ដោតលើបំណិនសំខាន់ៗដូចជា ការញែកភាពខុសគ្នា ការបែងចែកក្រុមដែលមានភាពបត់បែន ការប្រើប្រាស់វិន័យបែបវិជ្ជមាន ការគ្រប់គ្រងពេលវេលា និងការគ្រប់គ្រងទីតាំងបង្រៀននិងរៀន។ លើសពីនេះទៅទៀត សិក្ខាកាមនឹងទទួលបានចំណេះដឹងលើការបង្កើតនិងទ្រទ្រង់ថ្នាក់រៀនដោយការយកចិត្តទុកដាក់ដើម្បីសម្រេចលទ្ធផលនៃការសិក្សា ការអភិវឌ្ឍទំនាក់ទំនងវិជ្ជមាននៅក្នុងថ្នាក់ ការស្គាល់សិស្សនិងតម្រូវការរបស់ពួកគេ និងការញែកភាពខុសគ្នាក្នុងការបង្រៀននិងរៀន ពន្យល់ពីទំនាក់ទំនងពីភាពខុសគ្នា និងការរៀបចំក្រុម រួមទាំងពន្យល់ពីបច្ចេកទេសក្នុងការរៀបចំក្រុមដែលបង្កលក្ខណៈងាយស្រួលដល់ការបង្រៀននិងរៀន។ ជាមួយគ្នានេះដែរ សិក្ខាកាមក៏នឹងទទួលបាននូវចំណេះដឹងលើវិធីជំរុញឱ្យមានឥរិយាបថវិជ្ជមាន និងវិធីបញ្ចៀសការប្រើប្រាស់ទណ្ឌកម្ម ដោយស្គាល់ពីឫសគល់នៃការបង្កើតកំហុសរបស់សិស្ស ជំរុញលើកទឹកចិត្តគ្រូបង្រៀនឱ្យប្រើប្រាស់ពេលវេលាបានត្រឹមត្រូវនិងមានប្រសិទ្ធភាពក្នុងសកម្មភាពបង្រៀននិងរៀន វិធីដែលគ្រូអាចប្រើប្រាស់ទីតាំងនៅក្នុងថ្នាក់រៀន និងក្រៅថ្នាក់រៀនឱ្យមានប្រសិទ្ធភាព។ ក្រោយពេលបញ្ចប់វគ្គនេះ សិក្ខាកាមនឹងមានសមត្ថភាពអភិវឌ្ឍកិច្ចតែងការបង្រៀនដោយបញ្ជ្រាបយុទ្ធវិធីក្នុងការគ្រប់គ្រងថ្នាក់រៀន ទៅក្នុងដំណើរការបង្រៀននិងរៀន ឱ្យបានសមស្របទៅតាមសមត្ថភាពសិស្ស និងស្ថានភាពថ្នាក់រៀនប្រកបដោយភាពបត់បែន។

អ្វីដែលអ្នកនឹងរៀន

• បន្ទាប់ពីសិក្សាមុខវិជ្ជានេះចប់ សិក្ខាកាមនឹងអាច៖
• វិជ្ជាសម្បទា
• រៀបរាប់ពីស្ថានភាពបច្ចុប្បន្នពីការស្រាវជ្រាវអប់រំ និងទ្រឹស្តីនៃការគ្រប់គ្រងថ្នាក់រៀន និងតម្រូវការចិត្តសាស្ត្ររបស់កុមារម្នាក់ៗ
• បំណិនសម្បទា
• កសាងទំនាក់ទំនងជាវិជ្ជមានរវាង គ្រូនិងគ្រូ គ្រូនិងសិស្ស សិស្សនិងសិស្ស
• ប្រើប្រាស់វិធីបង្រៀនដែលជំរុញឱ្យការសិក្សាជាអតិបរមាដល់គរុនិស្សិតម្នាក់ៗ និងគរុនិស្សិតមួយក្រុម២
• គ្រប់គ្រង និងរៀបចំការងារក្រុមតាមមធ្យោបាយមួយដែលជំរុញសកម្មភាពរៀបសូត្រជាអតិបរមា
• បង្កើតបរិស្ថានមេត្រដែលជំរុញការចូលរួមសកម្ម ការត្រួតពិនិត្យ ការវាយតម្លៃ និងការគាំទ្រពីគ្រូឧទ្ទេស
• គ្រប់គ្រងថ្នាក់រៀនតាមមធ្យោបាយវិជ្ជមាន តាមរយៈការប្រើប្រាស់វិន័យបែបវិជ្ជមាន
• ចរិយាសម្បទា
• ផ្លាស់ប្តូរពីការដាក់ទណ្ឌកម្ម មកជាការប្រើប្រាស់វិន័យបែបវិជ្ជមាន សំដៅមានការកែប្រែឥរិយាបថដែលមិនស្រប
• បង្កើតទម្លាប់គ្រប់គ្រងការងារក្រុមប្រកបដោយប្រសិទ្ធភាព
• បង្កើតទម្លាប់អនុវត្តវិធីគ្រប់គ្រងថ្នាក់រៀនដើម្បីបង្កើនការចូលរួម និងសុខុមាលភាពផ្លូវចិត្តមានកម្រិតអតិបរមា

លក្ខខ័ណ្ឌដែលត្រូវមាន

• មាន​ចំណេះដឹង​មូលដ្ឋាន​ផ្នែក​ ICT (ប្រើ​ប្រាស់​កុំ​ព្យូទ័រ)
• មាន​ឧបករណ៍​ដែល​អាច​ប្រើ​ប្រាស់​អីនធើណេតបាន
• មាន​អីនធើណេត
• ជាគ្រូបង្រៀន​កម្រិត​បឋមសិក្សា​ (ក្របខណ្ឌ និង​កិច្ច​សន្យា)
• មានថ្នាក់បង្រៀន

អ្នកបង្រៀន

ចេង វិច្ឆិកា

គ្រូឧទ្ទេស - វិទ្យាស្ថានគរុកោសល្យរាជធានីភ្នំពេញ

ឆុំ គន្ធី

គ្រូឧទ្ទេស - វិទ្យាស្ថានគរុកោសល្យរាជធានីភ្នំពេញ

ផេង សុខេម៉ា

គ្រូឧទ្ទេស - វិទ្យាស្ថានគរុកោសល្យរាជធានីភ្នំពេញ

សយ ភត្រ្តា

គ្រូឧទ្ទេស - នាយកដ្ឋានកិច្ចការវិក្រឹតការ

សោភ័ណ សុភ័ក្ត្រ

គ្រូឧទ្ទេស - វិទ្យាស្ថានគរុកោសល្យរាជធានីភ្នំពេញ

អ៊ូ ស៊ីថា

គ្រូឧទ្ទេស - វិទ្យាស្ថានគរុកោសល្យរាជធានីភ្នំពេញ

ឯកសារភ្ជាប់

photo_2024-12-26_15-32-51.jpg

ព័ត៌មានលំអិតអំពីវគ្គសិក្សា

• អ្នកផ្តល់វគ្គសិក្សា

  វិទ្យាស្ថានគរុកោសល្យរាជធានីភ្នំពេញ

• ថ្ងៃបញ្ចប់ការចុះឈ្មោះ

  មិនកំណត់

• ចាប់ផ្តើម

  ពេលណាក៏បាន

  បញ្ចប់

  មិនកំណត់

• ចំនួនអ្នកចូលរៀន

  មិនកំណត់

• ចំនួនអ្នកចូលរៀន

  មិនកំណត់

  រយៈពេល

  45 ម៉ោង

• តម្លៃ

  ឥតគិតថ្លៃ

• មធ្យោបាយបង្រៀន

  ចម្រុះ

• ជំនាញឯកទេស

• ភាសា

  ខ្មែរ

• ប្រភេទវគ្គសិក្សា

  ទោល

• កម្រិតអ្នកចូលរួម

  មិនកំណត់

• ប្រភេទអ្នកចូលរួម

  មិនកំណត់

• ទីតាំងអ្នកចូលរួម

  មិនកំណត់