ការពង្រឹងសមត្ថភាព អក្ខរកម្មព័ត៌មាន​ នៅក្នុងបរិវត្តកម្មការអប់រំឌីជីថល

ការពង្រឹងសមត្ថភាព អក្ខរកម្មព័ត៌មាន​ នៅក្នុងបរិវត្តកម្មការអប់រំឌីជីថល

ក្នុងក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥ រាជរដ្ឋាភិបាល​បាន​ដាក់​ចេញនូវការអភិវឌ្ឍលើមូលដ្ឋានគ្រឹះចំនួន២ គឺហេដ្ឋារចនាសម្ព័ន្ធឌីជីថល និងការកសាងទំនុកចិត្ត​លើ​ប្រព័ន្ធឌីជីថល ព្រមទាំងបានកំណត់នូវសរសរស្ដម្ភយុទ្ធសាស្ត្រចំនួន៣ រួមមានការកសាងពលរដ្ឋឌីជីថល ការកសាងរដ្ឋាភិបាលឌីជីថល និងការជំរុញធុរកិច្ចឌីជីថល។ ក្នុងនោះការសម្រេចបាននូវ "ពលរដ្ឋឌីជីថល" ពេញលក្ខណៈ ទាមទារឱ្យបុគ្គលម្នាក់ៗមានសមត្ថភាពប្រើប្រាស់ និងទាញយកប្រយោជន៍ពីបច្ចេកវិទ្យាប្រកប​ដោយ​សុវត្ថិភាព និងការទទួលខុសត្រូវខ្ពស់។

ឆ្លើយតបនឹងក្របខណ្ឌជាតិខាងលើ និងស្របតាមទិសដៅកំណែទម្រង់ក្រសួងអប់រំ យុវជន និងកីឡា លើ​ការ​ធ្វើ​បរិវត្តកម្មឌីជីថល និងការលើកកម្ពស់គុណភាពអប់រំ វគ្គសិក្សាស្ដីពី “ការពង្រឹងសមត្ថភាពអក្ខរកម្មព័ត៌មាន​នៅក្នុងបរិវត្តកម្មការអប់រំឌីជីថល” ត្រូវបានអភិវឌ្ឍឡើង​ដើម្បីកសាងសមត្ថភាពគ្រូបង្រៀនឱ្យឆ្លើយតប​ទៅនឹង​តម្រូវការនៃសតវត្សរ៍ទី២១។

លើសពីនេះ វគ្គសិក្សាមានគោលដៅលើកកម្ពស់សមត្ថភាពស្ដីពីអក្ខរកម្មព័ត៌មាន និង​ទិន្នន័យ ប្រតិបត្តិការឧបករណ៍ឌីជីថល និងសុសវែរ អក្ខរកម្មប្រព័ន្ធផ្សព្វផ្សាយ ការប្រាស្រ័យទាក់ទង និង​កិច្ចសហប្រតិបត្តិការ ការបង្កើតមាតិកាឌីជីថល សន្តិសុខ និងសុវត្ថិភាព ការដោះស្រាយបញ្ហា និង​ការសិក្សា​ពេញមួយជីវិត ដែលជាមូលដ្ឋានគ្រឹះដ៏សំខាន់ក្នុងការកសាងសង្គម និងសេដ្ឋកិច្ចឌីជីថល​ដ៏រស់រវើក។

វគ្គសិក្សានេះមានគោលបំណងលើកកម្ពស់ចំណេះដឹងស្ដីពី “អក្ខរកម្មព័ត៌មាន” ​លើកកម្ពស់ការប្រើប្រាស់​បច្ចេកវិទ្យាថ្មីៗ ជំនួយដល់ការបង្រៀនប្រកបដោយការទទួលខុសត្រូវ ក្រមសីលធម៌វិជ្ជាជីវៈ និងការច្នៃប្រឌិត ស្របតាមបរិបទឌីជីថលដែលកំពុងផ្លាស់ប្តូរយ៉ាងឆាប់រហ័ស សំដៅប្រែក្លាយគ្រូបង្រៀនឱ្យទៅជាអ្នកដឹកនាំ​ក្នុងការផ្លាស់ប្តូរ និងកសាងបរិយាកាសសិក្សា​ដែលមានគុណភាព សុវត្ថិភាព និងឆ្លើយតបទៅ​នឹងតម្រូវ​ការសង្គម។ ការចូលរួមវគ្គសិក្សានេះនឹងក្លាយជាការបោះជំហានដ៏សំខាន់ក្នុងការលើកកម្ពស់​សមត្ថភាព​វិជ្ជាជីវៈ​​របស់លោកគ្រូ អ្នកគ្រូ និងចូលរួមយ៉ាងសកម្មក្នុងការបង្កើតប្រព័ន្ធអប់រំដ៏រឹងមាំសម្រាប់យុគសម័យថ្មី។

កម្មវិធីនេះ ត្រូវបានផ្តួចផ្តើមឡើងនាយកដ្ឋានបរិវត្តកម្មឌីជីថលនៃក្រសួងអប់រំ យុវជន និងកីឡា ក្រោមការឧបត្ថម្ភថវិកាគាំទ្រដោយមូលនិធិ ស.អ. នៃក្រសួងប្រៃសណីយ៍និងទូរគមនាគមន៍ និងក្រុមហ៊ុនស្មាត និងជំនួយបច្ចេកទេសដោយក្រុមហ៊ុន ADITI។

អ្វីដែលអ្នកនឹងរៀន

• យល់ដឹង និងអនុវត្ត៖ ការកំណត់ ស្វែងរក និងវាយតម្លៃព័ត៌មាន ដើម្បីចៀសវាងព័ត៌មានខុស ឬមាតិកាក្លែងបន្លំ ក្នុងការសិក្សាស្រាវជ្រាវ និងការអប់រំ។
• វិភាគ៖ សារប្រព័ន្ធផ្សព្វផ្សាយ និងចែករំលែកចំណេះដឹងនេះទៅកាន់សិស្សានុសិស្សប្រកបដោយក្រមសីលធម៌។
• ប្រើប្រាស់៖ ម៉ាស៊ីនស្វែងរក និងឧបករណ៍បញ្ញាសិប្បនិម្មិត (AI) ដើម្បីបង្កើតមាតិកាអប់រំ និងជួយសម្រួលដល់ការរៀបចំផែនការបង្រៀនប្រចាំថ្ងៃ។
• អនុវត្ត៖ ក្រមសីលធម៌ក្នុងការប្រើប្រាស់មាតិកាឌីជីថល និងការបញ្ជាឧបករណ៍ AI នៅក្នុងបរិបទនៃការអប់រំ។
• ការពារ៖ ទិន្នន័យផ្ទាល់ខ្លួន និងគ្រប់គ្រងដានជើងឌីជីថល ដើម្បីបញ្ចៀសពីការគម្រាមកំហែងអនឡាញនៅក្នុងសាលារៀន។
• កសាង៖ ខ្លួនជាអ្នកអប់រំ និងពលរដ្ឋឌីជីថលប្រកបដោយទំនួលខុសត្រូវ ដែលមានសមត្ថភាពដឹកនាំសិស្សឱ្យចូលរួមក្នុងសង្គមឌីជីថលយ៉ាងសកម្ម និងមានសុវត្ថិភាព។

លក្ខខ័ណ្ឌដែលត្រូវមាន

• ឧបករណ៍: ត្រូវមាន កុំព្យូទ័រ (Laptop/Desktop) ឬ ថេប្លេត (Tablet) ដែលមានដំណើរការល្អ។ ទូរសព្ទដៃអាចប្រើបាន ប៉ុន្តែវាមិនសូវផ្ដល់ភាពងាយស្រួលសម្រាប់ការវាយអត្ថបទ ឬមើលឯកសារធំៗនោះទេ។
• អ៊ីនធឺណិត: ត្រូវមានសេវាអ៊ីនធឺណិតដែលមានស្ថិរភាព និងល្បឿនលឿនល្មមសម្រាប់មើលវីដេអូ ឬចូលរួមការប្រជុំវីដេអូដោយមិនរអាក់រអួល។
• កាលវិភាគច្បាស់លាស់: ត្រូវបែងចែកពេលឱ្យដាច់រវាងការរៀនក្នុងថ្នាក់ និងការស្រាវជ្រាវដោយខ្លួនឯងតាមអនឡាញ។
• ភាពហ្មត់ចត់: កុំទុកកិច្ចការឱ្យកកស្ទះ (Procrastination) ព្រោះមេរៀនអនឡាញច្រើនតែតម្រូវឱ្យអ្នកអាន ឬមើលវីដេអូមុនពេលចូលរៀនផ្ទាល់។

អ្នកបង្រៀន

អុិត ចណ្ណា

គ្រូ

ព័ត៌មានលំអិតអំពីវគ្គសិក្សា

• អ្នកផ្តល់វគ្គសិក្សា

  នាយកដ្ឋានបរិវត្តកម្មឌីជីថល

• ថ្ងៃបញ្ចប់ការចុះឈ្មោះ

  មិនកំណត់

• ចាប់ផ្តើម

  26/02/2026

  បញ្ចប់

  មិនកំណត់

• ចំនួនអ្នកចូលរៀន

  មិនកំណត់

• ចំនួនអ្នកចូលរៀន

  មិនកំណត់

  រយៈពេល

  30 ម៉ោង

• តម្លៃ

  ឥតគិតថ្លៃ

• មធ្យោបាយបង្រៀន

  ចម្រុះ

• ជំនាញឯកទេស

• អត្ថប្រយោជន៍

  វិញ្ញាបនបត្រ
  

• ភាសា

  ខ្មែរ

• ប្រភេទវគ្គសិក្សា

  ទោល

• កម្រិតអ្នកចូលរួម

  មិនកំណត់

• ប្រភេទអ្នកចូលរួម

  មិនកំណត់

• ទីតាំងអ្នកចូលរួម

  មិនកំណត់