ការសរសេរកម្មវិធីបញ្ញាសិប្បនិម្មិតដោយប្រើប្រាស់ Scratch

ការសរសេរកម្មវិធីបញ្ញាសិប្បនិម្មិតដោយប្រើប្រាស់ Scratch

នៅក្នុងវគ្គសិក្សាមុន អ្នកបានរៀនអំពីថ្នាល Scratch នៅក្នុងវគ្គសិក្សានេះយើងនឹងពង្រីកការយល់ដឹងរបស់អ្នកដោយប្រើប្រាស់ Scratch ដើម្បីបង្កើតកម្មវិធីឆ្លាតវៃអនុវត្តជាមួយបញ្ញាសិប្បនិម្មិត។ វគ្គសិក្សានេះផ្តល់នូវការណែនាំអំពី គោលគំនិតជាមូលដ្ឋាននៃបញ្ញាសិប្បនិម្មិត(AI) និង វិធីសាស្ត្រសិក្សារបស់ម៉ាស៊ីនសិក្សា(Machine Learning) តាមរយៈការសិក្សាទ្រឹស្តី និងការអនុវត្តតាមគម្រោងជាក់ស្តែង។ វគ្គនេះត្រូវបានរៀបចំជាវគ្គបណ្តុះបណ្តាល ១ ក្រេឌីត (សរុប ៤៥ ម៉ោង) ដែលផ្តោតលើ ជំនាញ AIជាមូលដ្ឋាន, ការគិតបែបកុំព្យូទ័រ (Computational Thinking),ក្រមសីលធម៌ និងទំនួលខុសត្រូវនៃបច្ចេកវិទ្យា AI  និងការប្រើប្រាស់ភាសាសរសេរកម្មវិធីសម្រាប់ការអប់រំ AI ដែលសមស្របសម្រាប់គ្រូបង្រៀនICT  គរុសិស្សICT សិស្សានុសិស្ស អ្នកចាប់ផ្តើមស្វែងយល់ពី AI។

យើងចាប់ផ្តើមពីការពន្យល់អំពីគោលគំនិតសំខាន់ៗនៃ AI និងវិធីសាស្ត្រសិក្សារបស់ម៉ាស៊ីនសិក្សាដែលជួយឱ្យអ្នកសិក្សាយល់ដឹងពីរបៀបដែលប្រព័ន្ធឆ្លាតវៃអាចទទួលព័ត៌មាន រៀន និងធ្វើសេចក្តីសម្រេចចិត្ត។ បន្ទាប់មក អ្នកសិក្សានឹងអនុវត្តចំណេះដឹងទាំងនេះតាមរយៈ បង្កើតគម្រោង AI បែបអន្តរកម្ម ដែលពាក់ព័ន្ធនឹងការទទួលស្គាល់សំឡេង ការទទួលស្គាល់រូបភាព ការវិភាគអត្ថបទ ការបង្កើត Chatbot និងគម្រោង AI ផ្អែកលើលេខ។ 

វគ្គសិក្សានេះផ្តោតសំខាន់លើ ការរៀនតាមការអនុវត្ត (Learning-by-Doing) ដោយអ្នកសិក្សានឹងអភិវឌ្ឍគម្រោង AI តូចៗ ដូចជា កម្មវិធីវិភាគអារម្មណ៍តាមរយៈមតិយោបល់ កម្មវិធីណែនាំដំណើរកម្សាន្ត Chatbot ប្រព័ន្ធទទួលស្គាល់រូបភាព និងសត្វចិញ្ចឹមនិម្មិត។ គម្រោងទាំងនេះត្រូវបានរចនាឡើងឱ្យមានភាពច្នៃប្រឌិត សមស្របតាមវ័យ និងស្របតាមគោលការណ៍អប់រំ AI សម័យថ្មី។

អ្វីដែលអ្នកនឹងរៀន

• ក្រោយបញ្ចប់នៃវគ្គសិក្សាពី ការសរសេរកម្មវិធីបញ្ញាសិប្បនិម្មិតដោយប្រើប្រាស់ Scratch សិក្ខាកាមមានសមត្ថភាព ៖
• វិជ្ជាសម្បទា ៖
• ១) កំណត់បានពីគោលគំនិតស្នូលនៃ AI និងវិធីសាស្រ្តសិក្សារបស់ម៉ាស៊ីនសិក្សា(Machine Learning)​២) វែកញែកបានរវាងវិធីសាស្ត្រសិក្សារបស់ម៉ាស៊ីនសិក្សាផ្សេងៗ និងការអនុវត្តជាក់ស្តែងលើគម្រោង AI ៣) រៀបរាប់បានពីថ្នាលដែលរចនាសម្រាប់ការអប់រំ AI
• បំណិនសម្បទា ៖
• ១) ប្រើប្រាស់ភាសាScratch និងថ្នាលសម្រាប់ការអប់រំ AI ដើម្បីបង្កើតកម្មវិធីបែបអន្តកម្មផ្អែកលើ AI ២) អភិវឌ្ឍម៉ូដែលសម្លេង រូបភាព អត្ថបទ និងទិន្នន័យលេខ ក្នុងថ្នាលការអប់រំ AI ៣) រចនា និងអនុវត្តគម្រោង AI ដែលពាក់ព័ន្ធនឹងសម្លេង រូបភាព អត្ថបទ និងទិន្នន័យលេខ ដើម្បីដោះស្រាយកិច្ចការជាក់លាក់ ៤) បង្ហាញ​ពី​ភាពច្នៃប្រឌិត និង​ជំនាញ​ដោះស្រាយ​បញ្ហា​តាមរយៈ​ការសិក្សា​ផ្អែកលើ​ការអនុវត្តគម្រោង AI​ ៥) អនុវត្ត​ការ​បង្រៀន​ដោយ​ប្រើប្រាស់​ការ​សរសេរកូដ ដើម្បី​ជំរុញ​ ការ​គិត​បែប​កុំព្យូទ័រ (Computational Thinking) និង​ ជំនាញ​ដោះស្រាយ​បញ្ហា (Problem-Solving) ដល់​សិស្ស
• ចរិយាសម្បទា ៖
• ១) បំផុសគំនិតច្នៃប្រឌិត និងការបែបគិតស៊ីជម្រៅ ដោយអនុវត្ត AI ដើម្បីដោះស្រាយបញ្ហា និងបង្កើតបទពិសោធន៍គួរអោយចាប់អារម្មណ៍​ ២) យល់ដឹងពីការប្រើប្រាស់ AI ដោយមានក្រមសីលធម៌ និងមានទំនួលខុសត្រូវក្នុងការអប់រំ និងជីវិតប្រចាំថ្ងៃ។

លក្ខខ័ណ្ឌដែលត្រូវមាន

• ១) ត្រូវមានចំណេះដឹងមូលដ្ឋានលើបច្ចេកវិទ្យាព័ត៌មាន និងសារគមនាគមន័ (ICT)
• ២) មានចំណេះដឹងមូលដ្ឋានលើវិធីសាស្រ្តបង្រៀន ICT
• ៣) មានចំណេះដឹងភាសាអង់គ្លេស

អ្នកបង្រៀន

Pheariak Ren

គ្រូ - Teacher Development Department

TOLA CHAN

គ្រូ

ទី ពុទ្ធី

គ្រូ - មជ្ឈមណ្ឌលគរុកោសល្យភូមិភាគហ៊ុនសែនខេត្តកណ្ដាល

សុភាព វណ្ណភក្តី

គ្រូ - នាយកដ្ឋានកិច្ចការវិក្រឹតការ

របៀបចុះឈ្មោះចូលរៀន

១) ត្រូវជាគ្រូបង្រៀនICT គរុសិស្សICT សិស្សានុសិស្សកម្រិតអនុវិទ្យាល័យ
២) ត្រូវមានចំណេះដឹងមូលដ្ឋានលើភាសា Scratch

ឯកសារភ្ជាប់

Blended_CPD-Scratch Intermediat_Course Syllabus.docx

ព័ត៌មានលំអិតអំពីវគ្គសិក្សា

• អ្នកផ្តល់វគ្គសិក្សា

  នាយកដ្ឋានកិច្ចការវិក្រឹតការ

• ថ្ងៃបញ្ចប់ការចុះឈ្មោះ

  មិនកំណត់

• ចាប់ផ្តើម

  21/04/2026

  បញ្ចប់

  មិនកំណត់

• ចំនួនអ្នកចូលរៀន

  20

• ចំនួនអ្នកចូលរៀន

  20

  រយៈពេល

  45 ម៉ោង

• តម្លៃ

  ឥតគិតថ្លៃ

• មធ្យោបាយបង្រៀន

  ចម្រុះ

• ជំនាញឯកទេស

  បញ្ញាសិប្បនិម្មិត

• អត្ថប្រយោជន៍

  វិញ្ញាបនបត្រ
  1 ក្រេឌីតអវប
  

• ភាសា

  ខ្មែរ

• ប្រភេទវគ្គសិក្សា

  ទោល

• កម្រិតអ្នកចូលរួម

  មធ្យមសិក្សាបឋមភូមិ

• ប្រភេទអ្នកចូលរួម

  គ្រូបង្រៀន

• ទីតាំងអ្នកចូលរួម

  មិនកំណត់