អក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន

អក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន

ក្នុងយុគសម័យនៃការរីកចម្រើនជាបន្តបន្ទាប់ផ្នែកបច្ចេកវិទ្យាឌីជីថល ការយល់ដឹងនិងបំណិនក្នុង​ការ​ ប្រើប្រាស់​បច្ចេកវិទ្យា ប្រព័ន្ធ​ផ្សព្វផ្សាយ និងព័ត៌មាន បានក្លាយជាបំណិនជីវិត និងជាតម្រូវការចាំបាច់មិនអាច ខ្វះបានពិសេសគ្រូបង្រៀន និងអ្នកអប់រំដែលកំពុងដើរតួជាអ្នកតម្រង់ទិសសម្រាប់យុវជនជំនាន់ក្រោយ។ ឈរលើ មូលដ្ឋាននេះ វគ្គសិក្សាស្តីពី«អក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន» ត្រូវបានរៀបចំ និងអភិវឌ្ឍឡើង ក្នុងគោលបំណងពង្រឹងចំណេះដឹង ជំនាញ និងឥរិយាបថរបស់អ្នកសិក្សា ឱ្យស្របទៅតាមបរិបទការធ្វើ ទំនើបកម្មវិស័យអប់រំ សំដៅប្រើប្រាស់ឧបករណ៍ឌីជីថល និងប្រព័ន្ធផ្សព្វផ្សាយប្រកបដោយប្រសិទ្ធភាព សុវត្ថិភាព ក្រមសីលធម៌ និងការទទួលខុសត្រូវខ្ពស់។ទន្ទឹមនឹងភាពងាយស្រួលក្នុងការតភ្ជាប់ និងការរៀនសូត្រពិភពអនឡាញក៏បង្កប់នូវហានិភ័យថ្មីៗផងដែរ។ ព័ត៌មានមិនពិត ការបំភាន់តាមរយៈរូបភាព ឬវីដេអូក្លែងក្លាយ (Deepfakes) និងការឆបោកតាមប្រព័ន្ធឌីជីថល អាចរីករាលដាលយ៉ាងឆាប់រហ័ស និងបង្កផលប៉ះពាល់ដល់បុគ្គល និងសហគមន៍។

           ខ្លឹមសារនៃវគ្គសិក្សានេះត្រូវបានរៀបចំឡើងគ្រប់ជ្រុងជ្រោយ ដោយផ្តោតសំខាន់លើការអភិវឌ្ឍសមត្ថភាព ក្នុងការស្វែងរក វាយតម្លៃ ផ្ទៀងផ្ទាត់ គ្រប់គ្រង និងចែករំលែកព័ត៌មានចេញពីប្រភពព័ត៌មាន​ដែលអាចទុកចិត្ត​បាន ព្រមទាំងបណ្ដុះស្មារតីប្រុងប្រយ័ត្ន គន្លឹះសម្គាល់ព័ត៌មានមិនពិត ព័ត៌មានបំពុលក្នុងសង្គម។ ទន្ទឹមនឹងនេះ វគ្គសិក្សា ក៏​បញ្ជ្រាបនូវការយល់ដឹងអំពីការការពារទិន្នន័យផ្ទាល់ខ្លួន សុវត្ថិភាពប្រព័ន្ធ អុីនធឺណិត ការគ្រប់គ្រងដានជើង ឌីជីថល ការគោរពកម្មសិទ្ធិបញ្ញា និងការឆ្លើយតបទៅនឹងហានិភ័យផ្សេងៗតាមអនឡាញ ដើម្បីក្លាយជាពលរដ្ឋ ឌីជីថលពេញលក្ខណៈ។ លើសពីនេះទៅទៀត​អ្នកសិក្សានឹងទទួលបានការណែនាំអំពីការប្រើប្រាស់បញ្ញា សិប្បនិម្មិតដើម្បីជួយសម្រួលដល់ការផលិតមាតិកា​ ការបង្កើតខ្លឹមសារមេរៀនប្រកបដោយភាពច្នៃប្រឌិត តែមានប្រសិទ្ធភាព និងឆ្លើយតបទៅនឹងតម្រូវការសិស្សក្នុងសតវត្សរ៍ទី២១។

           តាមរយៈការសិក្សាផ្ទាល់ និងស្វ័យសិក្សាស្វ័យ ការវិភាគលើករណីសិក្សានានា សិក្ខាកាមនឹងទទួលបាន នូវបំណិនដែលជំនួយដល់ការអនុវត្តផ្ទាល់ក្នុងដំណើរការបង្រៀន និងរៀន ព្រមទាំងក្នុងជីវិតប្រចាំថ្ងៃ។ វគ្គសិក្សានេះ មិនត្រឹមតែជួយលើកកម្ពស់គុណភាពនៃការអប់រំប៉ុណ្ណោះទេ ប៉ុន្តែថែមទាំងចូលរួមចំណែកយ៉ាងសំខាន់ក្នុងការ កសាងបរិយាកាសសិក្សាឌីជីថលដែលមានសុវត្ថិភាព បរិយាបន្ន និងការទទួលខុសត្រូវខ្ពស់សម្រាប់ប្រព័ន្ធ អប់រំនៅ កម្ពុជា។

What you will learn

• យល់ដឹងអំពីគោលការណ៍ និងសារៈសំខាន់នៃអក្ខរកម្មប្រព័ន្ធផ្សព្វផ្សាយ ព័ត៌មាន និងអក្ខរកម្មឌីជីថល។
• វិភាគ និងវាយតម្លៃភាពត្រឹមត្រូវនៃព័ត៌មាន និងអាចសម្គាល់ព័ត៌មានក្លែងក្លាយបាន។
• ប្រើប្រាស់បច្ចេកវិទ្យាឌីជីថល និងទិន្នន័យប្រកបដោយទំនួលខុសត្រូវ សុវត្ថិភាព និងក្រមសីលធម៌។
• យល់ដឹងពីគោលការណ៍នៃបញ្ញាសិប្បនិម្មិត អត្ថប្រយោជន៍ ហានិភ័យ និងការប្រើប្រាស់ប្រកបដោយការទទួលខុសត្រូវ។
• អនុវត្តវិធានការការពារឯកជនភាព ដានជើងឌីជីថល និងសន្តិភាពលើបណ្តាញអនឡាញសម្រាប់ខ្លួនឯង និងអ្នកសិក្សា។
• រៀបចំ និងអនុវត្តសកម្មភាពបណ្តុះបណ្តាលអំពី អក្ខរកម្មឌីជីថល ប្រព័ន្ធផ្សព្វផ្សាយ និងព័ត៌មាន ដោយប្រើវិធីសាស្ត្របង្រៀនសកម្ម។
• បង្កើតផែនការមេរៀន ធនធានសិក្សា និងវាយតម្លៃលទ្ធផលសិក្សាស្របតាមគោលដៅវគ្គសិក្សា។
• គ្រូបង្រៀនដែលបញ្ចប់វគ្គបណ្តុះបណ្តាលនេះ នឹងមានសមត្ថភាពបំពេញតួនាទីជាគ្រូបង្គោល ដើម្បីបណ្តុះបណ្តាលបន្ត ផ្តល់ការគាំទ្របច្ចេកទេស និងផ្សព្វផ្សាយការអនុវត្ត DMIL ដល់គ្រូបង្រៀន និងស្ថាប័នអប់រំក្នុងតំបន់របស់ខ្លួន។

Prerequisites

• ទូរសព្ទដៃឆ្លាតវៃ កុំព្យូទ័រ អ៊ីនធឺណិត

Instructors

Sar Voleak

Teacher

ចណ្ណា អុិត

Teacher

Course Details

• Provider

  Department of Digital Transformation

• Enrollment End Date

  Never

• Start Date

  08/08/2026

  End Date

  Never

• Seats

  Unlimited

• Seats

  Unlimited

  Duration

  45 Hours

• Price

  Free

• Modality

  Blended

• Specialty

  Content Design, ICT

• Language

  Khmer

• Training Type

  Single

• Participant Level

  Any

• Participant Type

  Any

• Location

  Any