ការប្រើ ICT សម្រាប់ការបង្រៀននិងរៀន

ពេលណាក៏បាន - 1 ខែ 3 ក្រេ.

វគ្គបណ្ដុះបណ្ដាលនេះនឹងបង្រៀនទាំងសិក្ខាកាមដែលមិនធ្លាប់រៀននិងសិក្ខាកាមដែលធ្លាប់មាន បទពិសោធន៍ក្នុងការប្រើប្រាស់មុខងាររបស់ MS Office (1) ដោយផ្តោតលើចំណេះដឹង និងការយល់ដឹងអំពី Microsoft Office Word សម្រាប់ការរៀបចំកិច្ចតែងការបង្រៀន សៀវភៅសិក្សា និងឯកសារ រដ្ឋបាលផ្សេងទៀតសម្រាប់ការបង្រៀន និងការរៀន (2) រៀនពីរបៀបប្រើប្រាស់ Microsoft Office Excel ដើម្បីបង្កើតឧបករណ៍រដ្ឋបាលថ្នាក់រៀនសម្រាប់គ្រប់គ្រងថ្នាក់ របស់ពួកគាត់ (3) និងរៀបចំការបង្រៀន និងរៀន ដោយប្រើស្លាយមេរៀនលើកម្មវិធី Microsoft Office PowerPoint ។ សិក្ខាកាមនឹងទទួលបានចំណេះដឹង និងជំនាញជាមូលដ្ឋាន និងរបៀប បង្កើត ឯកសារ ការបោះពុម្ពផ្សាយ និងកិច្ចការពេញលេញដែលទាមទារការប្រើប្រាស់ Microsoft Office ហើយនឹងអាចប្រើប្រាស់ Office Suite សម្រាប់កិច្ចសហការកាន់តែមានប្រសិទ្ធភាព។ លើសពីនេះ អ្នកចូលរួមនឹងយល់អំពីគោលគំនិតជាមូលដ្ឋាន ដើម្បីបង្រៀនសិស្សរបស់ពួកគាត់ពី របៀបប្រើប្រាស់ បច្ចេកវិទ្យាព័ត៌មានក្នុងការអប់រំ។

អ្វីដែលអ្នកនឹងរៀន

បន្ទាប់ពីសិក្សាមុខវិជ្ជានេះចប់ដោយជោគជ័យ សិក្ខាកាមនឹងទទួលបាន៖
វិជ្ជាសម្បទា៖
ពន្យល់បានពីការប្រើប្រាស់មុខងារកម្មវិធីរៀបចំឯកសារអត្ថបទ សៀវភៅបញ្ជី កម្មវិធីធ្វើបទបង្ហាញ សម្រាប់ផលិតសម្ភារឧបទ្ទេស និងឧបករណ៍គ្រប់គ្រងថ្នាក់រៀនដែល ជួយបម្រើឱ្យការបង្រៀន និងរៀន បានត្រឹមត្រូវ
បំណិនសម្បទា៖
កំណត់មុខងារកម្មវិធីព័ត៌មានវិទ្យាបានត្រឹមត្រូវតាមការងារជាក់ស្ដែង
រៀបចំឯកសារអត្ថបទ កិច្ចតែងការបង្រៀន សៀវភៅបញ្ជីគ្រប់គ្រងថ្នាក់និងចំណាត់ថ្នាក់ សិស្ស និងបទបង្ហាញមេរៀន ប្រកបដោយប្រសិទ្ធភាពខ្ពស់
ចរិយាសម្បទា៖
ទម្លាប់រៀបចំកិច្ចការរដ្ឋបាលអប់រំទំនាក់ទំនងនិងសិក្សាស្រាវជ្រាវដោយប្រើប្រាស់កម្មវិធី កុំព្យូទ័រ
មានស្មារតីទទួលខុសត្រូវខ្ពស់លើសុវត្ថិភាពឯកសារ ការគ្រប់គ្រងថ្នាក់រៀន និងវាយតម្លៃ សិស្សបានឆាប់រហ័យ
មានគំនិតទូលំទូលាយលើការសិក្សាស្រាវជ្រាវផលិតសម្ភារឧបទេស និងអភិវឌ្ឍវិធីសាស្ត្រ បង្រៀនដោយប្រើបច្ចេកវិទ្យាសម្រាប់ជំនួយដល់ការបង្រៀននិងប្រើសម្ភារឧបទេសឌីជីថល
មានទំនុកចិត្តខ្ពស់ក្នុងការបង្រៀនដោយប្រើប្រាស់បច្ចេកវិទ្យាICT ស្របតាមនិយាម គរុកោសល្យ

លក្ខខ័ណ្ឌដែលត្រូវមាន

១.កុំព្យូទ័រ
២.ថាប្លេត/ទូរសព្ទឆ្លាតវៃ
៣.អុីនធឺណិត

អ្នកបង្រៀន

Blended Open

គ្រូឧទ្ទេស

CHOR Sophea

គ្រូឧទ្ទេស

PTEC Chor Sophea

គ្រូឧទ្ទេស